სიახლეები
-
15 ოქტომბერი 2016თქვენი რეკლამა
გოსტიბე - ცხავერის დამაკავშირებელი გზის რეაბილიტაცია იწყება
კასპის მუნიციპალიტეტში, სოფლების გოსტიბე - ცხავერის დამაკავშირებელი გზის რეაბილიტაციის სამუშაოები იწყება.
ელექტრონულ ტენდერში გამარჯვებულ შპს „სამშენებლო - სამონტაჟო საექსპლოატაციო საწარმო ჩელიაბინსკტრანსსიგნალი“- ს საქართველოს ფილიალსა და კასპის მუნიციპალიტეტის გამგეობას შორის, სამუშაოების წარმოებაზე ხელშეკრულება უკვე გაფორმდა.
საქართველოს ფინანსთა სამინისტრომ, „მაღალმთიანი დასახლებების განვითარების ფონდიდან ადგილობრივი თვითმმართველი ერთეულებისათვის 10 მილიონ ლარამდე გამოყო. გოსტიბე - ცხავერის დამაკავშირებელი გზის რეაბილიტაციის პროექტი, აღნიშნული ფონდიდან 625 525 ლარით დაფინანსდა.
2014 წლის 12 დეკემბერს სოფელ ცხავერის მოსახლეობამ 22 - წლიანი პაუზის შემდეგ ელექტროენერგია მიიღო, სოფელში 2017 წლისათვის გაზიფიცირებაც იგეგმება.
