მოგვწერეთ იდეა

ოზურგეთის მუნიციპალიტეტის სოფელ ასკანაში 7 კილომეტრიანი საგზაო მონაკვეთის რეაბილიტაცია დაიწყო

პროექტი ევროპის საინვესტიციო ბანკის დაფინანსებით, საქართველოს მუნიციპალური განვითარების ფონდისა და რეგიონული განვითარებისა და ინფრასტრუქტურის სამინისტროს დაკვეთით ხორციელდება. სამშენებლო სამუშაოების ღირებულება 4 200 000 ლარს შეადგენს. პროექტი მომზადდა ადგილობრივი მუნიციპალიტეტის მიერ.
ასკანის წყალმომარაგების სისტემის მოწყობის შემდეგ, ასკანის გზის რეაბილიტაცია იქნება მეორე მასშტაბური პროექტი, რომელიც ასკანის ტერიტორიულ ერთეულში განხორციელდება.
სამშენებლო სამუშაოების პირველი ეტაპი 7 თვეს მოიცავს.
რეაბილიტაციის დასრულების შემდეგ გზის მოვლა-პატრონობას მუნიციპალიტეტი უზრუნველყოფს.
(ფოტოები მოგვაწოდა სოფელ ასკანაში ოზურგეთის მუნიციპალიტეტის გამგებლის წარმომადგენელმა - ბადრი ჯაველიძემ)