მოგვწერეთ იდეა

მარტვილში ინფრასტრუქტურული სამუშაოები აქტიურად მიმდინარეობს.

მარტვილის მუნიციპალიტეტის გამგებელმა ალექსანდრე გრიგალავამ და გამგებლის მოადგილემ დავით სილაგავამ შიდასახელმწიფოებრივი მნიშვნელობის სალხინო-დადიანების სასახლესთან მისასვლელი საავტომობილო გზის მე-4 კმ-ში მდ. წაჩხურაზე მშენებარე ახალი სახიდე გადასასვლელის მშენებლობის პროცესი მოინახულეს. ,, მარტვილის მუნიციპალიტეტში მნიშვნელოვანი მასშტაბური ინფრასტრუქტურული პოექტები ხორციელდება სხვადასხვა პროგრამის ფარგლებში. ყველა ადმინისტრაციულ ერთეულში აქტიურად მიმდინარეობს მშენებლობები - შენდება ხიდები , იგება გზები, ეწყობა სანიაღვრე არხები და ა.შ. მოგეხსენებათ, რომ სალხინო ტურისტული თვალსაზრისით ძალიან მნიშვნელოვანი სოფელია.

აღნიშნული პროექტი ერთ-ერთი მნიშვნელოვანი პროექტია, რომელსაც საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი ახორციელებს. პროექტის განხორციელების შედეგად, როგორც ადგილობრივებისთვის, ასევე ტურისტებისათვის გადაადგილება უსაფრთხო და კომფორტული გახდება, “- აღნიშნა მარტვილის მუნიციპალიტეტის გამგებელმა ალექსანდრე გრიგალავამ.
სახიდე გადასასვლელის რეაბილიტაციის მონაცემები ცალ-ცალკე შემდეგნაირია:
➤ სამუშაოს ასრულებს - ,,ავტოგზა ლენტეხი 99“;
➤ პროექტის ღირებულებაა - 1 147 432 ლარი;
➤ სამუშაოზე დასაქმებულია - 15 ადამიანი;
➤ ამ ეტაპზე შესრულებულია სამუშაოს 90 %.