სიახლეები
-
24 ივლისი 2016თქვენი რეკლამა
ფოთი-სარფის 5-კილომეტრიანი გზის მონაკვეთზე გზის საფარის მოწყობის სამუშაოებმა, დიდი საცობი წარმოქმნა
საგზაო მოძრაობის შეფერხება გამოიწვია კვირას საღამოს ფოთი-სარფის 5-კილომეტრიანი გზის ერთ-ერთ მონაკვეთზე გზის საფარის მოწყობის სამუშაოებმა.
როგორც "ბიზნესკონტაქტს" საავტომობილო გზების დეპარტამენტში განუცხადეს, სამუშაოები გეგმიური იყო და 5-კილომეტრიანი გზაზე მდებარე ხიდი გზის საფარის აუცილებელ დაგებას მოითხოვდა.
ტურისტული სეზონის და ასევე ბათუმში მიმდინარე ჯაზ-ფესტივალის გათვალისწინებით, გზაზე ავტომობილების გადაადგილება ინტენსიური იყო და შეფერხებამ ავტომობილების მფლობელთა დიდი უკმაყოფილება გამოიწვია. მგზავრები, გზების დეპარტამენტის კონტრაქტორ კომპანიებს სარეაბილიტაციო სამუშაოების ისეთ დროს წარმოებას ურჩევენ, როდესაც მოძრაობის ინტენსივობა ნაკლებია.
