სიახლეები
-
19 სექტემბერი 2025თქვენი რეკლამა
ბათუმში $300 მლნ-ის ინვესტიციით ORBI Continental-ის მშენებლობა იწყება
დეველოპერული კომპანია "ორბი ჯგუფი" ბათუმში, 300 მლნ დოლარის ინვესტიციით, სასტუმრო კომპლექს ORBI Continental-ის მშენებლობას იწყებს, რომლის ოფიციალურ წარდგენას დღეს მთავრობის წევრებიც ესწრებოდნენ.
როგორც ირაკლი კობახიძემ ღონისძიებაზე განაცხადა , დღეს საფუძველი ეყრება ძალიან მნიშვნელოვან პროექტს, რომელიც ბათუმის ახალ სავიზიტო ბარათად იქცევა.
„ძალიან შთამბეჭდავია, ეფექტურია პროექტი, რომელიც თქვენ წარმოადგინეთ, რომელიც ითვალისწინებს ორი ცათამბჯენის მშენებლობას, რაშიც 300 მილიონი დოლარის, ძალიან დიდი მასშტაბის ინვესტიცია ჩაიდება. ეს პროექტი ადასტურებს კერძო სექტორის ნდობას სახელმწიფო მიმართ, ეკონომიკის განვითარების, ბათუმის განვითარების მიმართ და ამ კუთხითაც ძალიან მნიშვნელოვანია ეს ინიციატივა. ასევე მნიშვნელოვანია ამ პროექტის სოციალური განზომილება, როგორც ჩვენ გვითხრეს, 1 500 ადამიანი იქნება დასაქმებული ამ პროექტში უშუალოდ მშენებლობის ეტაპზე და როდესაც უკვე დაიწყებს ეს პროექტი ფუნქციონირებას, ამის შემდეგ 2 000 ადამიანი იქნება დასაქმებული ამ მულტიფუნქციურ ინფრასტრუქტურაში. ეს არის ნამდვილად თანამედროვე სტანდარტების პროექტი, რაც ძალიან მისასალმებელია. ეს იქნება ერთგვარი სავიზიტო ბარათი, რომელიც გაამდიდრებს ბათუმის იერსახეს და ხელს შეუწყობს ბათუმის განვითარებას.
რემიერ-მინისტრმა ირაკლი კობახიძემ „ორბი ჯგუფის“ ახალი მასშტაბური სასტუმრო კომპლექსის - ORBI Continental-ის მშენებლობის დაწყებასთან დაკავშირებულ ღონისძიებაზე განაცხადა, რომ ტურიზმისა და მშენებლობის სექტორი არის ქართული ეკონომიკის ერთ-ერთი უმთავრესი მამოძრავებელი ძალა და ამ სექტორების განვითარებას ხელისუფლების მხრიდან მომავალშიც მაქსიმალური ხელშეწყობა ექნება.
"ჩვენ მივესალმებით ნებისმიერი ასეთ შთამბეჭდავ კერძო ინიციატივას, რომელიც ხელს შეუწყობს ამ სექტორების განვითარებას და ზოგადად ჩვენი ეკონომიკის განვითარებას. მადლობას გადავუხდი კომპანიას „ორბი კონტინენტალს“, რომელიც გამოირჩევა შთამბეჭდავი პროექტებით და ამ კომპანიას უკვე ძალიან დიდი წვლილი აქვს შეტანილი კომპანიის განვითარებაში. დარწმუნებული ვარ, რომ მომავალშიც მათი წვლილი იქნება ძალიან დიდი. კიდევ ერთხელ გილოცავთ ამ შთამბეჭდავი პროექტისთვის საფუძვლის ჩაყრას და გისურვებთ ამ პროექტის წარმატებით განხორციელებას და დასრულებას“, - განაცხადა ირაკლი კობახიძემტეგები
