მოგვწერეთ იდეა

ხაშურში საფეხბურთო სტადიონის რეაბილიტაციისთვის 5.98 მილიონი დაიხარჯება

ხაშურში საფეხბურთო სტადიონის რეაბილიტაციას კომპანიები „გლობალ სტანდარტმშენი“ და „მშენებელი“ განახორციელებენ.

ერთობლივ საწარმოდ გაერთიანებული კომპანიები მუნიციპალური განვითარების ფონდმა 7 პრეტენდენტს შორის შეარჩია. მათთან 5.98 მილიონი ლარის ღირებულების კონტრაქტი გაფორმდება. ‘

სამუშაოს ფარგლებში ტერიტორიაზე განთავსდება ხელოვნურსაფარიანი საფეხბურთო მოედანი სპორტული განათებით და სარწყავი სისტემით. ასევე, მოეწყობა ტრიბუნები და ღია ავტოსადგომი, სტადიონის მიმდებარე ტერიტორიაზე აშენდება დამხმარე შენობა-ნაგებობები.

პროექტი, ასევე ითვალისწინებს საინჟინრო კომუნიკაციების მოწყობას.