მოგვწერეთ იდეა

ჭუბერში მარცხენა და მარჯვენა სანაპიროების დამაკავშირებელი სამანქანო გზა გაიხსნა

ჭუბერში სტიქიის ზონაში ამ დროისთვის ვითარება სტაბილურია. უკვე გახსნილია ჭუბერის ორი ნაწილის დამაკავშირებელი სამანქანო გზა.

მიმდინარეობს მდინარის კალაპოტის იმ ადგილების გამაგრება, რომელმაც შეიძლება საფრთხე შეუქმნას მოსახლეობას.

ინტენსიურად მიმდინარეობს ელექტროგადამცემი ხაზების აღდგენითი სამუშაოები. ჭუბერის მეორე ნაწილში, რომელსაც ამ დრომდე არ მიეწოდება ელექტროენერგია, ახალი ტრანსფორმატორი „ენერგო-პრო ჯორჯიამ“ უკვე გადაიტანა და ახლა მიმდინარეობს მისი მონტაჟი.

ადგილზე შევიდა დამატებითი მძიმე ტექნიკა. გაწმენდით სამუშაოებში მონაწილეობის მიღებას გეგმავენ ქართული ოცნების ახალგზრდული ფრთის წარმომადგენლები. ადგილობრივებს დაურიგდათ საკვები პროდუქტები.