მოგვწერეთ იდეა

თბილისს I კვარტალში 148 ახალი უძრავი ქონება შეემატა

პირველ კვარტალში თბილისს 148 ახალი უძრავი ქონება შეემატა, რომლის ჯამური ფართობი 200.2 ათას კვ.მ. შეადგენს, – ასეთია თიბისი ბანკის, ISET-ის კვლევითი ინსტიტუტისა და JumpStart-ის ერთობლივი პროექტის უძრავი ქონების ლაბორატორიის (REM lab) ფარგლებში ჩატარებული კვლევის შედეგები.

როგორც კვლევის მეცხრე პუბლიკაციაშია ნათქვამი, პირველ კვარტალში თბილისში უძრავი ქონების გაყიდვების წლიურმა ზრდამ 37.1% შეადგინა, მაშინ როდესაც თბილისის გარეთ უძრავი ქონების გაყიდვები 21.0%-ით არის გაზრდილი.

დედაქალაქის რაიონებს შორის უძრავი ქონების ბაზარზე კვლავ ვაკე, საბურთალო და სამ­გო­რი დომინირებს. პირველ კვარ­ტალ­ში უძრავი ქონების ყველაზე მეტი გა­ყი­დვა საბურთალოზე (2,924 ერთეული) დაფიქსირ­და, მეორე და მესამე ად­გი­ლებს კი, შესაბამისად, ვაკე (1,978 ერთეული) და სამგორი (1,286 ერთეული) ინაწილე­ბენ.

გასულ წელთან შედარებით, შემცირებულია როგორც ახალი უძრავი ქონების რაოდენობა (-23.7%), ისე მათი ჯამური ფართობიც (-33.5%). შემცირება ფიქსირდება როგორც ახალი საცხოვრებელი უძრავი ქონების, ისე ახალი კომერციული უძრავი ქონების მიწოდებაში.

 

 

 

ტეგები

• უძრავი ქონება
• თბილისი
• თიბისი ბანკი