მოგვწერეთ იდეა

ანაკლიის პორტი საერთაშორისო სატრანსპორტო ასოციაციის წევრი გახდა

ანაკლიის ღრმაწყლოვანი პორტი „შუა დერეფნის“, იგივე „ტრანსკასპიური საერთაშორისო სატრანსპორტო მარშრუტის (TITR)“ ასოცირებული წევრი გახდა. ამის შესახებ გადაწყვეტილება ბაქოში TITR-ის სხდომაზე მიიღეს. ინფორმაციას „ლაივპრესი“ ავრცელებს.

ასოციაციაში ანაკლიის პორტის გაწევრიანებას კენჭისყრაზე საბჭოს ყველა წევრმა ერთხმად დაუჭირა მხარი.

ოფიციალური ინფორმაციით, ანაკლიის პორტით „ტრანსკასპიური საერთაშორისო სატრანსპორტო მარშრუტის“ წარმომადგენლები 2018 წლის იანვარში დაინტერესდნენ. TITR-ში გაწევრიანებასთან ერთად, „ანაკლიის განვითარების კონსორციუმი“ უკვე თანამშრომლობს შუა დერეფნის სტრატეგიულ პორტებთან, როგორებიც არიან კურიკი (ყაზახეთი), აქტაუ (ყაზახეთი), ხორგოსი (ყაზახეთი-ჩინეთი), ბაქოს პორტი (აზერბაიჯანი).

ანაკლიის ღრმაწყლოვანი პორტის მშენებლობას საფუძველი 24 დეკემბერს ჩაეყარა. ოფიციალური ინფორმაციით, პორტის მშენებლობა და განვითარება 9 ფაზას მოიცავს. პროექტის მთლიანი ბიუჯეტი 2.5 მილიარდ აშშ დოლარს შეადგენს.

ანაკლიის პორტი დიდი მოცულობის გემებს 2020 წელს მიიღებს.

 

 

 

ტეგები

• ანაკლია
• მშენებლობა
• ანაკლიის პორტი