სიახლეები
-
08 თებერვალი 2018თქვენი რეკლამა
კახეთში სასტუმრო “Akhasheni Wine Resort” იხსნება
სასტუმროების მმართველ კომპანია HORECA Management Group-სა და „კახეთის ტრადიციულ მეღვინეობა“-ს( KTW) შორის თანამშრომლობის ხელშეკრულებას მოეწერა ხელი. როგორც ცნობილია „კახური ტრადიციული მეღვინეობა“ კახეთში, გურჯაანის რაიონის სოფელ ახაშენში სასტუმრო “Akhasheni Wine Resort” -ს ხსნის. სასტუმროს გახსნა იგეგმება 2018 წლის გაზაფხულზე.სასტუმროს გახსნის ორგანიზებას და მენეჯმენტს კომპანია HORECA Management Group განახორციელებს.
როგორ HORECA Management Group-ის დირექტორმა ბ-ნმა გიორგი პაპიაშვილმა განაცხადა, სასტუმროში დაცული იქნება საერთაშორისოდ მიღებული სტანდარტები.ასევე მოეწყობა ღვინის მარანი, რესტორანი, ქართული კუთხე, საცურაო აუზი და ა.შ. სასტუმროში დასაქმდება 35-დან 40-მდე ადგილობრივი კადრი.
სასტუმროს მშენებლობა KTW-მ საქართველოს ბანკისა და DCFTA-ის პროექტის დაფინანსებით 7 თვის წინ დაიწყო. პროექტის საინვესტიციო ღირებულება 7 მლნ ლარია.
კახური ტრადიციული მეღვინეობა ჰოლდინგური ორგანიზაციაა. ის წარმოდგენილია მაღალი სტანდარტის სარესტორნო ობიექტებით, როგორიცაა ქართული ღვინის პალატა, თადეოზ გურამიშვილის მარანი და ველისციხის ვერანდა.ახაშენის სასტუმროს გახსნის ორგანიზატორი კომპანია HORECA Management Group-ი წარმოადგენს სასტუმროების და რესტორნების მმართველ კომპანიას და მომხმარებელს სთავაზობს სასტუმროს და რესტორნის გახსნის ორგანიზების სრულ სპექტრს.
კომპანიას სასტუმრო ინდუსტრიის სფეროში მრავალწლიანი გამოცდილება და უკვე მრავალი წარმატებულად განხორციელებული სასტუმრო პროექტი აქვს.
ტეგები
