მოგვწერეთ იდეა

რა პროექტებს ახორციელებს უმსხვილესი დეველოპერული კომპანია ალიანს ჯგუფი

დეველოპერული კომპანია „ალიანს ჯგუფი“ მიმდინარე სამი პროექტის დასრულებას 2018-2019 წლებში გეგმავს.

კომპანია თბილისში კომპლექსს „ალიანს ჰაილაინს ( Alliance Highline )“ აშენებს. ცათამბჯენიანი პრემიუმ კომპლექსი ვაკეში 40-სართულიანი საცხოვრებელი შენობისა და ორი, შედარებით დაბალსართულიანი, შერეული ტიპის ცათამბჯენისაგან შედგება, რომლებშიც სასტუმროებისა და კურორტების მსოფლიოში უმსხვილესი ქსელი Wyndham Hotel Group იქნება წარმოდგენილი სასტუმროთი და აპარტამენტებით. პროექტის ბიუჯეტი $75 მილიონს აჭარბებს. კომპლექსის მშენებლობა 2019 წელს დასრულდება.

 

,,Alliance Highline" Tbilisi

კომპანია მსოფლიო დონის ცათამბჯენს ( Alliance Palace ) აშენებს ბათუმში, რომლის მშენებლობა 2018 წლის ივნისისთვის დასრულდება. ცათამბჯენში Courtyard by Marriot-ის სასტუმრო კი ოფიციალურად 2019-ის აპრილში გაიხსნება.

“ალიანს პალასის” 41-სართულიანი მულტიფუნქციური კომპლექსის ზედა სართულებზე კი პრემიუმ-კლასის აპარტამენტები განთავსდება. “ალიანს პალასის” პროექტში “ალიანს ჯგუფი” $45 მილიონს დააბანდებს.

 

,,Alliance Palace" Batumi

2018 წელს დასრულდება კიდევ ერთი პროექტი “ალიანს რიზორთი”, რომელიც შავი ზღვის სანაპიროდან 100 კილომეტრში, გოდერძის უღელტეხილზე 100-ნომრიანი სასტუმროა. სასტუმროს მართვას Ramada Worldwide განახორციელებს.

 

,,Alliance Resort" Goderdzi

2005 წელს დაარსებულ “ალიანს ჯგუფს” 20-ზე მეტი ფართომასშტაბიანი პროექტი აქვს საქართველოში განხორციელებული. ბოლო 11 წლის მანძილზე, დასრულებულ პროექტებში კომპანიამ $200 მილიონზე მეტის ინვესტირება მოახდინა.

 

 

 

 

ტეგები

• ალიანს ჯგუფი
• ალიანს ჰაილაინი
• ალიანს პალასი
• თბილისი
• ბათუმი
• გოდერძი
• სასტუმრო
• აპარტამენტები