მოგვწერეთ იდეა

m2 სასტუმრო ბიზნესში შედის

კომპანია "ემ კვადრატი" თბილისში ორ სასტუმროს ააშენებს. ამის შესახებ "ბიზნესკონტაქტს’’ "ემ კვადრატის" გენერალურმა დირექტორმა, ირაკლი ბურდილაძემ განუცხადა. მისი თქმით, "რამა’’ და "ანკორის" ამერიკული ბრენდის სასტუმროები ყაზბეგის 15 ნომერში და მელიქიშვილის 10 ნომერში განთავსდება.

"ყაზბეგის ქუჩაზე სამუშაოები უკვე დაწყებულია. "რამა’’ და "ანკორი" - ეს არის ამერიკული სასტუმროების ოპერატორი, სამვარსკვლავიანი ბრენდი. მელიქიშვილის 10
ნომერში მდებარე შენობა, სადაც მეორე სასტუმრო განთავსდება, ჩვენი საკუთრებაა. პირველი სასტუმროს საინვესტიციო ღირებულება 13 მილიონი დოლარია, ხოლო მეორე სასტუმროს პროექტზე 12 მილიონ ლარამდე დაიხარჯება’’-აცხადებს ირაკლი ბურდილაძე.

"ემ კვადრატი" დაინტერესებულია ასევე სასტუმროების ქსელი რეგიონებშიც განავითაროს. როგორც ირაკლი ბურდილაძემ "ბიზნესკონტაქტს" განუცხადა, ქუთაისის აეროპორტის მაღალი დატვირთვიდან გამომდინარე მათ აინტერესებთ ქუთაისი, სადაც შესაძლებელია ასევე სამვარსკვლავიანი სასტუმროს პროექტის განხორციელება.