მოგვწერეთ იდეა

ბათუმში ჰაერის ხარისხის კონტროლის სადგური დამონტაჟდა

სადგური უწყვეტ რეჟიმში გაზომავს ჰაერში დამაბინძურებელი ნივთიერებების რაოდენობას.

გარემოს ეროვნულმა სააგენტომ ბათუმში ჰაერის ხარისხის კონტროლის ავტომატური სადგური დაამონტაჟა, რომელიც უწყვეტ რეჟიმში გაზომავს დამაბინძურებელი ნივთიერებების: ნახშირჟანგის, აზოტისა და გოგირდის დიოქსიდების, ასევე მტვრის კონცენტრაციის დონეს.

„ბათუმში გავხსენით უახლესი ტექნოლოგიების მქონე ჰაერის მონიტორინგის სადგური, რომელიც საშუალებას მოგვცემს ონლაინ რეჟიმში მოგვეწოდოს ინფორმაცია ჰაერის ხარისხის შესახებ სხვადასხვა კომპონენტების მიხედვით“, — განაცხადა გარემოს ეროვნული სააგენტოს ხელმძღვანელმა თამარ ბაგრატიამ.

ბათუმში ჰაერის ხარისხის შესახებ პირველი მონაცემები უახლოეს დღეებში გახდება ცნობილი.