მოგვწერეთ იდეა

მომავალ წელს გზების მშენებლობისთვის 1.283 მილიარდი დაიხარჯება

მომავალ წელს მხოლოდ საგზაო ინფრასტრუქტურის გაუმჯობესებისათვის 1.283 მილიარდი დაიხარჯება.

რეგიონული განვითარებისა და ინფრასტრუქტურის სამინისტროს დაფინანსება კი, ჯანში 572 მილიონით, 1.83 მლრდ ლარამდე გაიზრდება, - ასეთია 2018 წლის ბიუჯეტის პირველადი პროექტი.

მომავალ წელს გზების მშენებლობის არაერთი პროექტია დაგეგმილი, მათ შორის:

 

თბილისი-სენაკი-ლესელიძის გზის მშენებლობა და რეკონსტრუქცია (ჩუმათელეთი-არგვეთა) – 250 მლნ ლარი;

ავტობანი ზემო ოსიაური-რიკოთი – 80 მლნ ლარი;

სამტრედია-გრიგოლეთის საავტომობილო გზის მოდერნიზაცია-მშენებლობა - 150 მლნ ლარი;

ბათუმის ახალი შემოვლითი გზა - 70 მლნ ლარი;

ჩუმათელეთი-ხარაგაულის გზის მონაკვეთის რეაბილიტაცია-რეკონსტრუქცია - 45 მლნ ლარი;

ქობულეთის ახალი შემოვლითი გზა - 30 მლნ ლარი;

ხულო-ზარზმის მონაკვეთის რეაბილიტაცია-რეკონსტრუქცია - 30.0 მლნ ლარი;

აღმოსავლეთ-დასავლეთის სატრანზიტო მაგისტრალი IV (აგარა - ზემო ოსიაური) - 20.0 მლნ ლარი;

ზემო იმერეთი (საჩხერე) - რაჭის დამაკავშირებელი საავტომობილო გზის რეკონსტრუქცია-მშენებლობა - 25 მლნ ლარი;

სნო-ჯუთა-როშკა-შატილი-ომალო-ხადორის ხეობა - ბაწარა - ახმეტის გზების რეკონსტრუქცია-მშენებლობა - 20 მლნ ლარი;

გრიგოლეთი-ჩოლოქის მონაკვეთის მშენებლობა - 60 მლნ ლარი;

მცხეთა-სტეფანწმინდა-ლარსის საავტომობილო გზის ქვეშეთი-კობის მონაკვეთზე საავტომობილო გზის და გვირაბის მშენებლობა - 53 მლნ ლარი;

თბილისი-წითელი ხიდის საავტომობილო გზის რუსთავი-წითელი ხიდის მონაკვეთის მშენებლობა - 25 მლნ ლარი;

ალგეთი-სადახლოს საავტომობილო გზის მშენებლობა-მოდერნიზაცია - 25 მლნ ლარი;

თბილისი-ბაკურციხე-ლაგოდეხის საავტომობილო გზის ლოჭინი-საგარეჯოს მონაკვეთის მშენებლობა - 25 მლნ ლარი;

მდინარე რიონზე ფოთის ხიდის მშენებლობა - 10 მლნ ლარი;

აღსანიშნავია, რომ ამ თანხების გარდა რეგიონული და მუნიციპალური ინფრასტრუქტურის რეაბილიტაციისათვის გათვალისწინებულია 262 მლნ ლარი; წყალმომარაგების ინფრასტრუქტურის აღდგენა-რეაბილიტაციისთვის კი, 254.9 მლნ ლარზე მეტი უნდა დაიხარჯოს.