სიახლეები
-
06 აგვისტო 2017
თქვენი რეკლამა
ჩუღურეთის რაიონს ახალი სკვერი შეემატება
თბილისის ჩუღურეთის რაიონის გამგეობის დაფინანსებით, ბაქოს ქუჩის N1-ში ახალი სკვერის მშენებლობა მიმდინარეობს. პროექტის ფარგლებში, ტერიტორიაზე დამონტაჟდება ბორდიურები და დეკორატიული ფილები, დაიდგმება საპარკე სკამები და ურნები, ხოლო პატარებისთვის სათამაშო ატრაქციონი, რომელიც კაუჩუკის რბილი იატაკით მოეწყობა.
როგორც “სითი კვირას” გამგეობაში განუცხადეს, სამუშაოები შპს „არადელმა“ რამდენიმე დღის წინათ დაიწყო და სექტემბერში დასრულდება.
მათივე ინფორმაციით, ამავე ტერიტორიაზე, მერიის განათლების სპორტისა და ახალგაზრდულ საქმეთა საქალაქო სამსახურმა ფიტნეს ტრენაჟორები დაამონტაჟა.
ჩუღურეთის რაიონს, მიმდინარე წელს 6 ახალი სკვერი შეემატება.