სიახლეები
-
13 ივლისი 2017თქვენი რეკლამა
როგორი იქნება მტკვრის სანაპიროების ახალი სახე
მდინარე მტკვარის რეკრეაციულ ზონად გადაქცევა თბილისის განვითარების გენგეგმის ერთ-ერთი ნაწილია.
გენგეგმის მიხედვით, იგეგმება მტკვრის ორივე სანაპიროს კეთილმოწყობა, გამწვანება, საფეხმავლო, საველოსიპედე ბილიკების მოწყობა.
პროექტის ფარგლებში, სადგურ ოკრიბას მიმდებარედ სარეკრეაციო ზონა მოეწყობა, რომელიც მტკვარსა და გრიგოლ რობაქიძის გამზირს დააკავშირებს; ვეფხვისა და მოყმის მონუმენტის მიმდებარე ტერიტორია რეკრეაციულ სივრცედ მოეწყობა, რაც ლისის ტბასა და მდინარე მტკვარს შორის კონცეფტუალური საფეხმავლო და საველოსიპედო ბილიკი შექმნის საშუალებას იძლევა; ახალი სარეკრეაციო სივრცის მოწყობა იგეგმება 300 არაგველის მონუმენტის მიმდებარე ტერიტორიაზეც, რაც გულისხმობს მოტივტივე ტერასების, 3 მეტრიანი ბულვარის ტიპის ზოლის შექმნას და ა.შ.
დედაქალაქის მიწათსარგებლობის გენერალური გეგმის განახლებაზე მომუშავე ჯგუფმა „სითი ინსტიტუტი საქართველომ“ თბილისის მერიის არქიტექტურის სამსახურს ხელშეკრულების ფარგლებში მომზადებული მასალები უკვე წარუდგინა.
