მოგვწერეთ იდეა

ვაკის რაიონში ინფრასტრუქტურული სამუშაოები 69 მისამართზე მიმდინარეობს

თბილისის ვაკის რაიონის სხვადასხვა უბნებში სარეაბილიტაციო სამუშაოები 69 მისამართზე მიმდინარეობს. სამუშაოები ვაკის გამგეობის ბინათმესაკუთრეთა ამხანაგობების ხელშეწყობის პროგრამის ფარგლებში ხორციელდება.
​კერძოდ, დაფინანსებულია 22 ლიფტის, 11 წყალ-კანალიზაციის, 5 საერთო სარგებლობის კიბის, 4 კარის, 7 სახურავის რეაბილიტაცია.
​მათივე ინფორმაციით, ასევე, 5 მისამართზე მიმდინარეობს სართულშუა ნაპრალების ამოვსების სამუშაოები, 1 მისამართზე – სადარბაზოს რემონტი, 3 სენსორის დამონტაჟება და 11 მისამართზე წყალსაწრეტი მილების გამოცვლა. გამგეობის ინფორმაციით, მიმდინარე სამუშაოებზე გამგეობამ ბიუჯეტიდან 694 633 ლარი გამოყო.