სიახლეები
-
19 მაისი 2017თქვენი რეკლამა
ცაგერში შიდა ქუჩების მოასფალტების სამუშაოები მიმდინარეობს
ცაგერში შიდა ქუჩების მოასფალტების სამუშაოები მიმდინარეობს. რაჭა-ლეჩხუმისა და ქვემო სვანეთის სამხარეო ადმინისტრაციის ცნობით, ჭავჭავაძის, ნინოშვილისა და ასლანიკაშვილის ქუჩების აღდგენისთვის გამოყოფილი თანხა 660 974 ლარს შეადგენს. მათივე ინფორმაციით, სამუშაოებს ტენდერში გამარჯვებული კომპანია შპს ,,კრისტალი“ აწარმოებს და მათი დასრულება 2017 წლის სექტემბერში იგეგმება.
ლეჩხუმში მიმდინარე ინფრასტრუქტურულ პროექტებს სახელმწიფო რწმუნებული–გუბერნატორი პაპუნა მარგველიძე გაეცნო. გუბერნატორმა ქუჩების ასფალტირების სამუშაოებთან ერთად, ცაგერში მიმდინარე სპორტული კომპლექსის სამშენებლო და ,,მწვანე თეატრის“ აღდგენითი სამუშაოებიც დაათვალიერა.
