სიახლეები
-
31 მარტი 2017თქვენი რეკლამა
თბილისში, კრწანისის ქუჩაზე სკვერის რეკონსტრუქცია მიმდინარეობს
თბილისის კრწანისის რაიონში, კრწანისის ქუჩის N16-ის მიმდებარედ არსებული სკვერის რეკონსტრუქცია დაიწყო. სამუშაოები კრწანისის რაიონის გამგეობის დაკვეთით ხორციელდება.
კრწანისის რაიონის გამგეობაში განუცხადეს, პროექტის ფარგლებში, სარეკრეაციო სივრცე ახლებურად დაგეგმარდა – მოეწყობა ბილიკები, სპორტული და სათამაშო მოედნები. ბავშვებისთვის განკუთვნილ სივრცეში კაუჩუკის საფარი დაიგება, გამწვანებისთვის მოწყობილ თარგებში კი ბუჩქოვანი მცენარეები დაირგვება.
სკვერში მიმდინარე სამუშაოებს კრწანისის გამგებელი, გიორგი კოპალეიშვილი გაეცნო. კრწანისის გამგეობის ინფორმაციით, სკვერის რეაბილიტაცია სამ კვირაში დასრულდება.
