მოგვწერეთ იდეა

2017 წელს, რამდენიმე მასშტაბური პროექტი დაიწყება

თბილისის მერიის კეთილმოწყობის საქალაქო სამსახური 2017 წელს დედაქალაქში დაგეგმილი მასშტაბური ინფრასტრუქტურული პროექტების სიას აქვეყნებს, მათ შორის საუბარია გარდაბნის გზატკეცილის დედაქალაქისთვის შეერთებაზე.

​თბილისის მასშტაბით გზების კაპიტალური შეკეთება დაგეგმილია შემდეგ ქუჩებზე: პეკინის ქუჩა; მეტროსადგურ “ავლაბრიდან” ჯორჯ ბუშის ქუჩამდე (ირბახის ქუჩა, წურწუმიას ქუჩა, თელავის ქუჩის ნაწილი და ზურაბიშვილის ქუჩა); ლაგუნა ვერეს გაფართოება; ცაიშის ქუჩა; ფეიქრების ქუჩა; მირიან მეფის ქუჩა; ფარნავაზ მეფის ქუჩა; ქიზიყის ქუჩა; ამაღლების ქუჩა; ჭიჭინაძის ქუჩა; გარეჯის ქუჩა, სადაც ასევე, მოეწყობა საკანალიზაციო ქსელი; მონადირის ქუჩა (ასევე, მოეწყობა საკანალიზაციო ქსელი);
კეთილმოწყობის სამსახურის განმარტებით, 2017 წელს კეთილმოწყობის საქალაქო სამსახური 29 ავარიულ საცხოვრებელ კორპუსს გაამაგრებს, მათ შორის არის კოოპერატიული ბინათმშენებლობა.

გარდა ამისა, ხიდებისა და გვირაბების მოწყობა-რეაბილიტაცია განხორციელდება. კერძოდ, აეროპორტის გზატკეცილზე ვარკეთილის ხიდები; მდინარე ვერეზე უნივერსიტეტის მაღლივ კორპუსთან არსებული ვანტური ხიდის რეკონსტრუქცია; ცინცაძე-კარტოზიას ქუჩის გადაკვეთაზე მოეწყობა სატრანსპორტო კვანძის სამუშაოები.
​როგორც კეთილმოწყობაში აცხადებენ, 2017 წელს დასრულდება რაგბის სპორტული კომპლექსის მშენებლობა. ასევე, დაგეგმილია მახათას პანთეონის მშენებლობა.