სიახლეები
-
18 თებერვალი 2017თქვენი რეკლამა
სოფელ ნიკორწმინდაში სასტუმრო "შაორი" აგვისტოში გაიხსნება
სოფელ ნიკორწმინდაში სასტუმრო "შაორი" აგვისტოში გაიხსნება. განაცხადა გადაცემა ბიზნესკონტრაქტზე კომპანია "ჯეოტექინვესტის" დირექტორმა მამუკა ჯმუხაძემ, ადგილზე სამონტაჟო სამუშაოები დასრულებულია, გადახურვის სამუშაოები კი, რომელიც ამინდის გამო შეჩერებული იყო, თვის ბოლოს განახლდება.
სასტუმრო 26-ნომრიანი იქნება და მას 100 კვადრატული მეტრი ფართობის საკონფერენციო დარბაზიც ექნება.
კომპანიის ხელმძღვანელი ამბობს, რომ სამშენებლო სამუშაოები დეკემბრიდან ამინდის გაუარესების გამო შეჩერებული იყო, ამიტომ სასტუმროს დასრულება მაისში ვერ ესწრება, როგორც ეს დაანონსებული იყო.
რაც შეეხება ფასებს, მამუკა ჯმუხაძის თქმით, სასტუმრო საშუალო სეგმენტზე იქნება გათვლილი და მომხმარებელს პირველ ეტაპზე მაინც დაბალ ფასებს შესთავაზებს.
პროექტის ინვესტიციის მოცულობა სრულად მილიონ-ნახევარი ლარია. კომპანია სახელმწიფო პროგრამის „უმასპინძლე საქართველოში“ ფარგლებში დაფინანსდა.
