მოგვწერეთ იდეა

„ინფრასტრუქტურის მშენებელთა ასოციაცია" სამშენებლო პროდუქციის ყიდვა/გაყიდვის ონლაინ პლატფორმას ქმნის.

„ინფრასტრუქტურის მშენებელთა ასოციაცია" სამშენებლო პროდუქციის ყიდვა/გაყიდვის ონლაინ პლატფორმას ქმნის. ასოციაციის ინფორმაციით, construct.ge ასოციაციის, შპს "ვისეილისა" და შპს „მოდულატორის" ერთობლივი ინოვაციური პროექტია, რომლის მიზანია საბაზრო ფასების კვლევის სისტემების შექმნა სამშენებლო სექტორისთვის. მათივე თქმით, ვებ-გვერდი დახმარებას გაუწევს: მწარმოებელ, სამშენებლო, საპროექტო, საექსპერტო კომპანიებს ნებისმიერი საკითხის გასამარტივებლად, კერძოდ: პლატფორმის საშუალებით კომპანიები მოახდენენ:

• სხვადასხვა სამშენებლო მასალის საბითუმო ყიდვა-გაყიდვას და ამ პროცესის სრულ ავტომატიზაციას;

• შემსყიდველების, ქართველი და უცხოელი მწარმოებლების თუ დისტრიბუტორების და მათი პროდუქციის ერთიანი კატალოგის შექმნას;

• ფასების ინდექსაციას სატენდერო თუ სხვა ხარჯთაღრიცხვის შედგენისას.

კომპანიებს მიეცემათ საშუალება, თავისუფლად მოხვდნენ Construct.ge-ს ბაზაში, რაც თავისთავად ხელს შეუწყობს როგორც მათი პროდუქციის პოპულარიზაციას, ასევე, ზოგადად, ბაზრის სტაბილიზაციას, გაფართოვებას, ჯანსაღი კონკურენციის განვითარებას.


ახალი პლატფორმის პრეზენტაცია ხვალ „ტექნოპარკშია დაგეგმილი. ღონისძიებაზე 200-მდე პირია მიწვეული. მათ შორის სამთავრობო და კერძო სექტორის წარმომადგენლები.