მოგვწერეთ იდეა

სასტუმრო Hyatt Regency-ის მშენებლობის დაწყება მხარეებს შორის ფინანსური დოკუმენტაციის გამო ჭიანურდება

რუსთაველზე სასტუმრო Hyatt Regency-ის მშენებლობის დაწყება მხარეებს შორის ფინანსური დოკუმენტაციის გამო ჭიანურდება.

სასტუმროს მშენებლობის დაწყება რამდენჯერმე დაანონსდა, თუმცა, პროექტი ამ დრომდე არ დაწყებულა.

როგორც კომპანია "რუსთაველი ფროფერთისის" ხელმძღვანელი მინდია გადაევი "ბიზნესკონტრაქტთან“ აცხადებს, პროექტში 4 მხარეა ჩართული და ფინანსური დოკუმენტაციის მომზადებას საკმაოდ დიდი დრო სჭირდება.

მინდია გადაევის ინფორმაციით, პროექტში კომპანიის გარდა ჩართულია საპარტნიორო ფონდი და 2 უცხოური საფინანსო ინსტიტუტი.

"საკმაოდ რთულია 3 ფინანსურ ინსტიტუტს შორის შეთანხმება, არ არის მარტივი და ბევრ ბიუროკრატიულ პროცედურასთან არის დაკავშირებული. კრედიტორებს შორის შეთანხმებაა მისაღწევი, ასევე დასადებია ინტერ კრედიტორთა ხელშეკრულება, სასეხო ხელშეკრულება და დაზღვევის ხელშეკრულება",- აღნიშნავს მინდია გადაევი.

მისივე ინფორმაციით, სავარაუდოდ, სამშენებლო სამუშაოები გაზაფხულზე დაიწყება და 30 თვეში დასრულდება.

სასტუმრო 170-ნომრიანი იქნება და მასში 72 მილიონი დოლარის ინვესტიცია ჩაიდება.