მოგვწერეთ იდეა

“ლაგუნა ვერესთან” საავტომობილო გზის გაფართოება იგეგმება

​თბილისის საბურთალოს რაიონში არსებული საცურაო აუზის “ლაგუნა ვერეს” მიმდებარედ გზის გაფართოების სამუშაოები 2017 წელს ჩატარდება.
​როგორც დედაქალაქის მერმა დავით ნარმანიამ, მერიაში გამართულ მთავრობის სხდომაზე განაცხადა, ლაგუნა ვერეს მიმდებარედ გზის გაფართოება, თბილისში ხელს შეუწყობს აღნიშნული გადატვირთული მონაკვეთის განტვირთვას და მოძრაობის გამტარუნარიანობას გაზრდის.

​მისივე თქმით, 2017 წელს მნიშვნელოვანი საგზაო ინფრასტრუქტურული სამუშაოები და საინჟინრო-ნაგებობების აშენება იგეგმება. დედაქალაქის მასშტაბით, საგზაო სამუშაოები ჩატარდება 600-მდე მისამართზე, მათ შორის, ისეთი მნიშვნელობის გზებზე, როგორიცაა ავლაბრის მეტროდან ჯორჯ ბუშის ქუჩამდე არსებული მონაკვეთი, პეკინის ქუჩა, ფეიქრების ქუჩა და სხვა.