სიახლეები
-
22 დეკემბერი 2016თქვენი რეკლამა
ბერიტაშვილის ქუჩაზე უკანონოდ აშენებული შენობა დაანგრიეს
თბილისის საბურთალოს რაიონში, ვეძისიდან ლისის ტბისკენ მიმავალ გზაზე, კერძოდ, ბერიტაშვილის ქუჩაზე უკანონოდ აშენებულ შენობის დემონტაჟი მიმდინარეობს, რომელსაც თბილისის მერიის ზედამხედველობის სამსახური ახორციელებს.
როგორც „სითი კვირას“ თვითმხილველმა განუცხადა, მოქალაქემ ერთსართულიანი შენობა, კომერციული საქმიანობისთვის, მუნიპალიტეტის კუთვნილ ტერიტორიაზე ააშენა, სადაც არც პარკინგი შეიძლება და ტროტუარიც არ არის. მშენებლობის პერიოდში მან არაერთი გაფრთხილება მიიღო.
უკანონო მშენებლობისა და მისი დემონტაჟის შესახებ ინფორმაციას, საბურთალოს რაიონის გამგეობაში ადასტურებენ.
