მოგვწერეთ იდეა

ბორჯომში მცხოვრებ 64 დევნილ ოჯახს საცხოვრებელი ფართი გადაეცათ

ბორჯომში, საცხოვრებელი ფართის მფლობელი 64 დევნილი ოჯახი გახდა. დევნილებს ახალი ბინების გასაღებები დევნილთა და განსახლების მინისტრმა სოზარ სუბარმა და ბორჯომის მუნიციპალიტეტის გამგებელმა დიმიტრი ყიფიანმა გადასცეს.

ბორჯომში, ვაშლოვანის ქუჩაზე, 4-სართულიანი შენობის სარეაბილიტაციო სამუშაოები ტენდერში გამარჯვებულმა კომპანია „სამშენებლო ტრესტი N3“-მა განახორციელა. მშენებლობის ღირებულებამ 1 736 182 ლარი შეადგინა.

დღეს, 36 ერთოთახიანი, 20 ოროთახიანი და 8 სამოთახიანი ბინა დევნილ ოჯახებზე კენჭისყრის პრინციპით განაწილდა.
გათვალისწინებულ იქნა შეზღუდული შესაძლებლობების მქონე პირთა საჭიროებები და მათ ადაპტირებული ბინები პირველ სართულზე მიიღეს.