მოგვწერეთ იდეა

ნაძალადევში სახურავების რეაბილიტაცია წელს 81 მისამართზე განხორციელდა

თბილისის ნაძალადევის რაიონში წელს ბრტყელი და ქანობიანი სახურავების რეაბილიტაცია 81 მისამართზე განხორციელდა. 81 ობიექტზე სახურავების რეაბილიტაციისთვის ნაძალადევის რაიონის გამგეობის ბიუჯეტიდან 1 045 815 ლარი გამოიყო.

ნაძალადევის რაიონის გამგეობაში განუცხადეს, ბინათმესაკუთრეთა ამხანაგობების ხელშეწყობის პროგრამის ფარგლებში, წლის ბოლომდე კიდევ 10 საცხოვრებელი სახლის სახურავი შეკეთდება. ქვიშხეთის ქუჩის N3-ში მიმდინარე სამუშაოებს ნაძალადევის რაიონის გამგებლის მოვალეობის შემსრულებელი დავით გოგიძე ადგილზე გაეცნო და ადგილობრივ მოსახლეობასაც შეხვდა.

„მნიშვნელოვანია საცხოვრებელი კორპუსების კეთილმოწყობა. ამისათვის ყოველწლიურად მილიონობით თანხებს გამოყოფს ნაძალადევის რაიონის გამგეობა. აქტიურად ვაგრძელებთ ბინათმესაკუთრეთა ამხანაგობების პრობლემებზე მუშაობას და ჩვენი მოქალაქეების საცხოვრებელი გარემოს გაუმჯობესებისთვის მომავალ წელსაც მნიშვნელოვანი თანხა გამოიყოფა გამგეობის ბიუჯეტიდან“, – განაცხადა დავით გოგიძემ.

ნაძალადევის გამგეობის ინფორმაციით, წლის ბოლომდე დაგეგმილი და უკვე დასრულებული სამუშაოების საერთო ღირებულება 1 178 393 ლარია.