მოგვწერეთ იდეა

მირზა შაფის პროექტის მშენებლობა კიდევ ერთხელ გადაიდო

მირზა შაფის მშენებლობა კიდევ ერთხელ გადაიდო. 2008 წელს დაწყებული პროექტის ბედი, რომელიც ძველ თბილისში მირზა შაფის ქუჩის აღდგენას გულისხმობს, კვლავ გაურკვეველია.

„ბიზნესკონტრაქტთან“ პროექტის ინვესტორი კომპანია CAPITAL PARTNERS OF GEORGIA-ს დამფუძნებელი გიორგი სვანიძე აცხადებს, რომ პროექტი კვლავ დამუშავების ეტაპზეა და თუ მშენებლობა მარტამდე დაიწყო, კარგი იქნება.

„8-9 წელია ამ პროექტს ვაკეთებთ და ხომ არ მივატოვებთ? მივიყვანთ პროცესს ბოლომდე“,- აცხადებს გიორგი სვანიძე.

მისი განცხადებით, პროექტზე მერიის არქიტექტურის სამსახური და არქიტექტორები მუშაობენ.

8 წლის განმავლობაში პროექტის მშენებლობის დაწყება არაერთხელ გადაიდო. მიზეზი ისაა, რომ პროექტი ძველ თბილისში უნდა განხორციელდეს, სფეროს სპეციალისტებს კი არაერთი შენიშვნა ჰქონდათ პროექტის არქიტექტურასთან დაკავშირებით.