მოგვწერეთ იდეა

ნუცუბიძის III მ/რ -ში სკვერში არსებული ამფითეატრი მოხატეს

თბილისის ვაკის რაიონში, ნუცუბიძის III მ/რ-ის მე-2კვ. მე-9 კორპუსის მიმდებარე ტერიტორიაზე სკვერში არსებული ამფითეატრი მოიხატა.
​როგორც „სითი კვირას“ ვაკის რაიონის გამგეობაში განუცხადეს, ტერიტორიაზე მიმდინარე სარეაბილიტაციო სამუშაოების ფარგლებში განახლდა სკვერში არსებული ამფითეატრი და კედლები, შეიღება ღობე.
​მათივე ინფორმაციით, სამუშაოების ფარგლებში, სკვერში გამოცვალეს ბორდიურები, ფილებით მოაპირკეთეს კიბეები. სავალ ბილიკებზე კი ასფალტის ახალი საფარის დაგებაა დაგეგმილი.